“Ngunkhuai a  karh, Budget a zor” (Pu Thla Hre Capar)




“Ngunkhuai a  karh, Budget a zor”

Pu Thla Hre

Democracy phung a kal lio mi ramah ngunkhuai le budget um tu ning hi zoh fel a herh tuk mi a si. A ruang cu mi zaapi nawl ngeih nak tampi a um cang.

Hlan lio uk nak cu Cung lei nih tang lei pen nak (Top dawn) in nawl ngeih nak  a rak tam tuk. Democracy do thlen nak thawng in a tu cu mi zaapi nawl ngeih nak na ngeih ve, ka ngeih ve hi kan i fian a herh cang.

Bia tlang i “Ngunkhuai a karh” ka ti mi hi ngunkhuai kanpek mi a man (rate) a kai ka ti duhnak si loin kumkhat hnu kumkhat hmuh mi a karh (a tam deuh) chin lengmang ka ti duhnak a si.

A ruang cu Inn tung a karh, minung kan karh, dawr a karh hlei ah rian ṭuanning le pawcawm nak a karh aṭhan cho ruang ah a si.

Khuapi pakhat chung ah Sipin ngun khuai tampi pek a si caah zalampi, lam ṭeng, luti luannak, din ti, thian hlimnak, minung hum him nak, tlawn len nuamh nak le khua dawhnak vialte a ṭhatnak a ṭhanchonak le ser siamnak ṭuanvo a ngei tu cu municipal (Sipin committee) a si bantukin mi zaapi caah ṭuanvo a ngeih tu bik a si fawn.

Image may contain: Pu Thla Hre, smiling, standing and closeup

Cu caah Sipin ngunkhuai pekmi cio zeizat, hmuh mi zeizat, kumfatin mi zaapi caah ṭuan piak mi zeizat ti hi zaapi nih theih le hngalh a herh.

Hlanlio ah cun kawl ram khua dih lakah zaapi hmuh khawhnak lamton kip ah kum khat Sipinn ngunkhuai hmuh zat le tuah piak khawh mi capital budget (ငွေလုံးငွေရင်း) vialte zaapi hmuh in tar piak lengmang a rak si.

Chin ramkulh chung Sipin ngunkhuai hmuh mi vailte Chin pyine budget ah a lut dih i Chinram kulh income (အခွန်ရငွေ) ah a lut dih kawl ram Union acozah nih pek ṭhanmi vialte chung in Chin ram kulh acozah nih khuakip phawt zamhnak tuah ṭhan a si.

Sipin phung hram hrimhrim ah ngunkhuai pek khawh mi zoh chih in pek a si zungzal. A tamdeuh a pe kho mi cu a tam deuh chap hrimhrim ding a si ve.  Cu lo ah cun mi zaapi nih ngunkhuai pek duh ti lo in acozah bomhnak lawng bawh a si ko lai.

Cu lawng si lo in Inn tung le minung (Population) tlawm tam, khua chung zalampi le lam ṭeng a tawi sau, khua area a bit kauh vialte zoh chih in phawt zamh thiam a bia pi tuk.

Image may contain: Pu Thla Hre, standing, mountain, sky, outdoor and nature

Chin ramkulh Sipin lutlai ka ṭuan lio 2017-2018 kum tiang cu khua a hmet ngan, le ngunkhuai pek khawh mi zoh chun in a ning cang tein budget kan rak suai i kan suai ning tein kan rak hmuh ve ko.

Halkha khua caah 2017- 2018 kum capital budget hmuh mi 2821.798 million kyats a rak si. Cu hnu cu khumkhat hnu kumkhat a ṭum chin lengmang.

A tanglei figure hi zoh hnik u sih.

Chin ram kulh chung Sipin ngun khuai hmuh ning

No Budget kum Hmuhmi dihlak (Million) Halkha khua in hmuhmi Khua dang in

hmuh mi

remark
Million % (Zatuak) Million %
1 2017-2018 1012.064 347 34% 665 66%  

 

Tinh mi

2 2018- 2019 1029.043 402 39% 627 61%
3 2019- 2020 1077.485 439 41% 638 59%

 

Chin ram kulh chung Sipin Capital (Budget) phawt zamh ning

No Budget kum Chin ram kulh chung dihlak (Million) Halkha khua caah hman mi Khua dang caah hman mi remark
Million % Million %
1 2017-2018 7500.00 2821 38% 4679 62%  
2 2018- 2019 6947.900 1828 26% 5119 74%
3 2019- 2020 8484.290 1564 18% 6920 82%

A cung Table a fian lo sual ah tiah a tang te ahhin Hmanthlak in ka thil.

A cung lei figure kan zon ah cun 2017- 2018 kum ah Halkha khua caah kan rak hal khawh mi budget (capital) hi 2821.798 million kyats a si i khua chung zalampi le lam ṭeng, luti luan nak, lung rual a herh nak, hmunhim nak vial te zaa ceo tuah khawh a rak si.

A tu 2019- 2020 kum kan zoh tik ah a kai lei tu si lo in a zor lei tu a si.

2019- 2020 kum, Halkha caah pek mi chung in sangthar (676 acre)samh nak caah leiba cham ding 300.00 khuachung dinti phawt zamh nak a felfai lo caah maimilh nak 220.0, Pine Sipin zungthar sak ṭhan nak caah 150.0, Bus Terminal concerete phah chap nak 200.0 kan zuh ah cun 694.29 lawng lawng a tang.

Cu tangka nih cun khuachung lam lungphah ding 9160ft ကတ္တရာ phah ding 630ft concerete phah ding 770ft culvert tauh ding pa 1 lawng a si cang.

Halkha khua chung lam vialte a sau hi 240 km leng a si i Kalay Myo le Halkha kar lam nak in a sau deuh. Cu chung ah kattaza le lung phah cu chim lo vawlei lam lawng a si rih mi hi a cheu nak tamdeuh a tang rih.

Cu lawng si lo in Halkha khua chung hi 2015 kum ah fak tuk in a rawk cang mi a si caah sersiam ding a herh mi a tam tuk rih.

Image may contain: 2 people, including Pu Thla Hre, people smiling

Tuah lo a si kho lo mi khua chung ti va vialte kil ven nak le lu ti luan nak, Halkha khua dinti a har tuk cah zinghmuh tlang in din ti lak piak nak, thlanhmun kal nak hmun 5 lam vailte thar chuah ding, Khua vel lam vial te remh ding, Hmunthur thlet nak lam pa 4 thar chuah le ser siam ding, Bus terminal lam luh chuah nak tuah ding le mei, ti, public zun zun nak tuah ding, Pump hau lo in Sacuan, Fa deu, Kiar, haucheu va le capar ti hna in din ti lak hrimhrim ding  pawl hi a ran khawh chung tuah cawlh aherh rih mi an si.

Budget a tlawm tuk caah thil hme te ban tuk ah ruahmi lam mei a rawk mi te te remh ding,  zapi zun zun nak tuah cia mi remh le thianh ding,  khua luh nak  siangboard a rawk mi remh ding, lam min bunh cia mi siangboard a tlu mi remh ṭhan ding, khua luh nak kip i aa phah mi hmun thur vialte thianh ding, khua chung zoh dawh catar pawl a rawk mi remh ding, Pangpar dum le khua cuanh nak remh ding, thing kung cin ding, zun ek dop nak le hlonh nak thate in hman le hlawnh ding, vialte  hmanh aa tuah kho lo i a cham bau tuk ti cu zaapi hmuh a si ko.

Khua chung sersiam nak vialte Sipin nih a tuah lo ah a ho nih dah a tuah lai? Cu caah Halkha khua in ngunkhuai pek khawh mi a tam bik a si ban tuk in budget thlak piak  tik zong ah a tu nak tam deuh in (2017- 2018) kum i kan thlak mi nak tlawm lo in pek hrim hrim a herh cang tiah ka ruah.

Cu lo ah cun hamilei ah Halkha khua kil ven nak le hunhim nak ca hmanh ah thin phang a si te lai.

Chin ramkulh khua vailte acozah bomh a herh mi lawngte kan si. Khuapi chung ṭuanvo  a la tu Sipin budget ah cun a khua hmet ngan zoh hrim hrim in pek a herh.

Cu caah nawl ngei tu Chin ramkulh acozah upa pawl ṭhiamṭhaim bochan a si ko caah fel fai deuh in ruah a herh zia ka langh ter duh mi a si. Ngunkhuai a karh ban tuk in budget thlak piak mi zong a tam deuh ve awk a si.

Mi zaapi  lei nih ngunkhuai pek khawh kan i zuam ban tuk in sersiam piak le tuah ṭuan piak ṭhan khawh a herh tuk ve mi a si.

Image may contain: Pu Thla Hre, smiling, outdoor and water

Pu Thla Hre

Director (Rtrd)

Chin State Development Affairs

Halkha

22.1.2020








Be the first to comment

Leave a Reply

Your email address will not be published.


*