HBC Mino Zaan Biakinn Pumhnak Thawngṭha chim le Talent Show 2/2/2020 (Video)




HBC Mino Zaan Biakinn Pumhnak Thawngṭha chim le Talent Show 2/2/2020 (Video)

=============

HBC Mino nih Kumkhat ah voikhat lengmang Biakinn ah caan hman a si i, Cu zaan cu sang ah zaanpumhnak um lo in Biakinn ah i fonh in pumh a si. Cu ahcun Thawngṭha chimtu ah Pastor Ṭha Chin Par (IBC Pastor) an fial. Talent Show an tuahmi zong ka thil chih.

HBC hi sang ngan in sang 3 (Kuattit, Dawrhlun le Pyidawtha) in an i ṭhen. Mah chung ah Zarhpi ni zaanpumh hi hmun hmun 6 ah pumhnak an tuah.

Cu zaan pumhnak cu Mino (mah le sang cio mino) nih caan tlaih le caan hman a si. Cucaah Central Mino caanhman ni zaan ahcun sang pumhnak um lo in Biakinn ah pumhnak an tuah hi a si.

Thawngṭha chimtu Pastor Ṭha Chin Par (IBC Pastor) an fial. Anih hi a biachim ngaih a zuammi le a hmar ngeih mi an tam ngai. Pathian nih a hman ngaimi pakhat a si.

“Nihin kan chan ah IT a ṭhawn tuk cang caah A leng ah minung hawi kan ngei kho tuk ti lo. Face Book ahcun hawikom a thong leng kan ngei ko hna. >>> tibantuk pawl.. A tang deuh ah Video in ka chiah i rak ngai ve hrim.

Solo satu ah Leeng Ca Hlei Hoi a si. A hlasakmi a tang ah Video in ka chiah.

Sang kip Talent Show an thiah hna i A tang ah Pyidawtha sang nih Bawi Jesuh nunnak kong hmuhsaknak an tuahmi le Dawrhlunsang nih hmuhsaknak an ngeihmi ka chiah hna.

Pyidawtha nih an hmuhsakmi hi bia in chim lomi thawngṭha phun a si. An i timhtuahnak cung ah lawmh an um ngai. A tang ah rak zoh ve uh.

Thawngṭha chimtu Pastor Ṭha Chin Par a si kan ti cang kha. A chimmi a tang ah rak ngai ve. Thazaang laknak le nunpi awk ah na caan rak pe ve.

 








Be the first to comment

Leave a Reply

Your email address will not be published.


*