Hakha Bogyoke Aungsan lamthluan Aungsan Suhkyi lam tlawmpal rak zawh ve. 2020 Feb 7




Hakha Bogyoke Aungsan lamthluan Aungsan Suhkyi lam tlawmpal rak zawh ve. 2020 Feb 7

===============

A biapi deuh tiah ruahmi pawl hmanthlak in a konglam tete ka ṭial chih hna. Kalpah in thlakmi si i caan laklawh deuh a si caah a si rua, mi choklet an tlawm pah.

Kehlei kam hi Pyidawtha Market a si. Parking a um lo tiah kan awlawk a chong nain a tu lio khi cu Cycle a dirmi a um tuk lo khi ta. Dawrhngak pawl nih Dawrthar i kan hngah lio bantuk in kan thil a kal lo tuk e an ti.

Pyidawtha le Dawrthar aa ṭhennak Lam ṭe kaa a si.

Orhlei kam hi Pearl Store a thar an sakmi le a pawng Pastor Sui Ling Thang te inn a si. Kehlei kam khi Shine Store (atu Pearl 2 Store) le a pin deuh khi Kanbawza Bank a si.

Dr Tial Cung Ling lam pial (Sizung lam pial) zawn a si. Mahka hrawng hi Tenis Court a umnak a si caah le a pawng ah clinic a umnak a si caah zing lei le zaanlei ahcun Cycle, Motor a tam ngai tawn.

Mah a cung Hmanthlak hi Dawrthar Market zawn a si. Pyidawtha Market an on cang i an i thial pah len nain Hika deuh hi mi an chahnak le mi nih an fuh deuhnak hmun a si. Dawrthar Keiseh sang a si.

Kehlei kam inn cu Pyidaungsuh riahbuuk a si. A hlan i Mangtha Riahbuk kha a si.

A cung Hmanthlak cu a hlan i Chin Oosi Primary Sianginn kha a si i Atu ahcun Chin Cozah zung pi an sak cang.

Hika hi a hlan ahcun Bogyoke Park a rak umnak kha a si. Atu ahcun pumpak inn le cozah inn ah aa chuah dih cang. Lubo pi khi cu Chin Parliament zung pi a si. Orhlei kam lam min cu Tlanghrawn lam tiah auh a si.

Mahka hi Khuathar Ralhmung Certual, CB Bank le No 2 High School sianginn a umnak a si.

Shopping Mall saknak ah an mit a thittuk nak Ral Hmung Certual cu kan hmai lungrual phen ahkhin a si.

Shopping Mall caah an mit a thittuk nak Ralhmung certual cu Orhlei kam i a ummi hi a si. A lang in hmuhmi Inn nganpi khi Conbik Stadium a si i 1998 kum Kawlram pumpi huap iangngakchia lentecelh lio i an rak sakcang mi kha a si.

Pyidawtha lei kir pah… Orhlei kam Hall khi Conbik Stadium a si. Mah he khin SHS (No.2) aa peh. Cun Ral Hmung Certual a si beh.

Orhlei kam ah No (2) High School Sianginn a um i Kehlei kam khi cu CB Bank (Hakha ah CB Bank 2 nak) a si.

Mah hi cu Hung Ngai lam pial (BOC @ Amazon Private Sianginn lampial) a si i, tlawmpal ah an on ding mi Ralkap ta Inwa Bank a umnak a si.

Khuathar le Dawtthar aa thennak

Laitlang Cozah zung.. Khuathar lei in ratpah i thlakmi.

Hika hi Chin Oosi lam thluan kha a si. Kehlai kam khi Cozah zung riantuan tu umnak quarter a si. Orhlei kam cu Cozah zung pawl an si. IPRD, EBank pawl umnak a si.

Dawrthar Market hrawng a si.

Hika Lam kual hi i chuahsual a fawinak ngai a si. A hlan i tita lam pial kan tinak kha a si.

Pyidawtha lei a si. Kehlei kam khi Pu Thang Hmun inn a si i A hmai khi Phone zuarnak a si. Orhlei ka cu KBZ Bank a si.

Pearl Store (Pale Store) a thar an sakmi, Hakha lam te tonnak (Laansung) a si.

Pyidawtha sang.. Orhlei kam cu Pyidawtha Market a si i, Cycle le Motor a tam tuk te lai tiah kan thin a rak phan lenmi kha…

Pyidawtha Market pawng CB Bank a umnak a si. Hakha ah a hmasa bik Private Bank kan ti lai cu.. Cozah aa thlen hnu in.

Hi cu Pyidawtha sang ah a ummi AYA Bank a si. Hakha ah Private Bank 3 a um cang i tlawmpal ah 1 aa chap lai. Cucu Inwa Bank a si. Hakha Khuathar ah a um i a cung ah hmanthlak ka langhter cang mi kha a si.

Mahkaa hi sign te an tuahmi khi a ttum lei lawng a si. Vomthumawng Certual heelnak a si. Mitampi nih kan zul duh tawn lo i manbi ah awlawk kan chong tawn. a lettalam i kal lio ah PK he i ton ahcun K. 30,000/- bak a si ko an ti.

Vomthumawng Certual helnak lam Tuan Hmung lam a si. Hika hi Dawrhlun le Pyidawtha aa rika khan a si.

Bus Terminal hlun le Vomthumawng certual zohnak tang i dawr a tuahmi pawl an dawr an tthehmi pawl thingrua an si.

Vomthumawng Certual zohnak an ttheh cangmi a si. Kehlei kam hi Nawltling Villa a si.

A hlan deuh te ah kan rak i thlah len tawnnak Bus Terminal hlun a si. An ttheh pah thluahmah cang. Tukum ah mah zohnak pawl khi an ttheh dih lai.

A tang ah Video in lam rak hrawng ve.

Bg Sound: Sayama Thla Dong








Be the first to comment

Leave a Reply

Your email address will not be published.


*