COVID 19 le Laitlang Thlihran




COVID 19 le Laitlang Thlihran

===============

Puul Zawtnak phun a simi COVID 19 kong tampi an ṭial lengmang cang i kan theih cio lai. Kawlram, Lairam hrawng kan thlihraan hi khuaruah har a si pah ko.

No photo description available.

Vawlei cung ram tampi an a karh cang. Kan pawngkam ah cazin chung ah aa tel rih lomi ram cu tlawmpal te taktak an si.

Cucu Loas le North Korea hi Kawlram bang Zawtnak hrik a thiannak tiah an timi a si. Cu ahcun Kan Kawlram mi kan i ralrin ning, Laitlang zong kan i ralrin ning hi khuaruah har ngai a si.

Khuaruah har lak ah pakhat cu Atu lio Hluttaw Meeting a kaimi ahkhin Ralkap pawl vialte cu Hmurhih (Mask) an i hup dih. A dang aa hup mi cu ka hmu tuk hna lo.

Zawtnak hrik kan hmu lo an ti ko bu ah zeiruang ahdah Ralkap pawl khi Hmurhuh an i huh dih? Anmah ruang ahmaw Kawlram chung, Hakha tiang Hmurhuh cawk awk a tlawm? A man an kai dih ti awk in a um.

Hi zawtnak hi a karhning cu a rang ngaingai. Minutes 20 chung ah 70 tluk zawtnak aa chonhmi an um tiah Online LIVE in an langhter. Hmanthlak ah a lang mi khi.

Hi ti bantuk a si caah Kannih Lairam ah tah zeidah a cang ti ahcun Laimi nih kan rem bak lo mi Kawl Titoih puai kha tuah a si lai lo ti a si. Mi tampi a lung awimi kan um kho men…

Image result for coronavirus update map world live

Cu lawng si hlah.. Mibu deuh i ton nak le i khawmhnak phun hi Lai Cozah nih kham hram an thok pah thluahmah i zarhpi zing pumh hmanh hi zeidah kan lawh te lai ti awk in a um cang.

A live, updating map created by researchers at John's Hopkins University shows the spread of the coronavirus. In Washington, there were 79 confirmed cases as of March 6.

A naih bik ah Tuthla March 18-22 tiang hrawng tuah ding mi CBC Meeting pi le Chuncung Khrihfabu Diamond Jubilee tuahnak kong ah khualtlung tamtuk si lo ding in Lai Cozah nih ri khiah piak dawh in a um. A fiang taktak rih lo nain a vulval cun a lang pah.

Image may contain: sky, cloud, plant, grass, tree, house and outdoor

CBC he hin nai Mindat ah Miphun kong ceihmai ding in timhtuahnak an rak ngeihmi zong kong phunphun langhter hnu ah tuahnak nawl onh lo arak si fawn tik ah tutan i pakhatkhat i khamnak phun a um ahcun Lai Cozah le Biaknak kar ah i theihthiam lonak a karh chin kho men..

Image may contain: plant, sky, grass and outdoor

Cun pahnih nak ah Atu lio Hakha mino nih an i ngaih taktak mi Rev. David Lah Hakha a ratnak kong ah hin a si. A hlankan piin Cozah nih zalong te in pumhnak nawl pek a rak si.

A sinain atu lio Puul zawtnak ruang ah i ralrin a hauh bantuk in Lai Cozah zong nih zeitin dah khua a khan lai ti hi thin domh in um a si ko. Hi zong hi March 19 – 22, 2020 kar Carson Hall ah tuah timhmi asi. Timhtuahnak ṭha tuk in an cawlcang cang fawn.

A donghnak ah Kawlram cu COVID zawtnak in kan thiang kan ti ko lio ah hibantuk tete a um tik ah mipi kan thinphan ning a zual. Kawl Biaknak lawng lo, Khrihfa Biaknak kongkau zong ah thindomh in kan um ko hna. Hihi Atu lio Hakha hrawng i kan thlihran cu a si.








Be the first to comment

Leave a Reply

Your email address will not be published.


*